Sunday, March 8, 2009

GHAZAL SYED ANWER JAWAID HASHMI

کیا کہیں یاد آنا ہو جس کو جہاں یاد آتا نہیں
یوں بھی ہوتا ہے کیا پھر یہاں مہرباں یاد آتا نہیں

زندگی کیا ہوئے جن سے روشن رہی کہکشاں یاد آتا نہیں
رہ گزر، بام و در، چوکھٹیں، کھڑکیاں یاد آتا نہیں

کھوگئے سب مکیں،زلزلے نے اُلٹ دیں وہ آبادیاں
راستے چپ ہوئے ،تھے جو آباد یاں یاد آتا نہیں

وقت کی دھوپ نے خوب صورت سے چہروں کو سنولا دیا
کیسے کیسے رہے بالیقیں خوش گماں یاد آتا نہیں

ابتدا عشق کی گھر سے نکلے تو پھر آبلہ پا رہے
ساعت عمر رفتہ نے پہنچادیا تھا کہاں یاد آتا نہیں

عکس دھندلاگئے، آئینہ دل کا زنگار سا ہوگیا
زندگی سے ملا کیا ہمیں ماحصل راءگاں یاد آتا نہیں

سیدانورجاویدہاشمی،کراچی،۷مارچ۲۰۰۹

No comments:

Post a Comment